Парадак правядзення навагодніх свят ва ўстанове адукацыі
На падставе рэкамендацый Міністэрства аховы здароўя Рэспублікі Беларусь па правядзенні санітарна-эпідэміялагічных мерапрыемстваў, накіраваных на мінімізацыю рызыкі распаўсюджвання інфекцыі COVID-19, пры арганізацыі і правядзенні акцыі "Нашы дзеці" ад 25.11.2020 №3-3-9/19189, рэкамендацый намесніка галоўнага ўрача ДУ "Гродзенскі абласны цэнтр гігіены, эпідэміялогіі і грамадскага здароўя" "Аб выкананні даручэнняў" ад 07.11.2020 №03-08-18/11271 у мэтах забеспячэння бяспечных умоў знаходжання і папярэджвання распаўсюджвання інфекцыі COVID-19 навагоднія ранішнікі ў ДУА "Жухавіцкая сярэдняя школа" адбудуцца ў наступныя тэрміны:
28 снежня 10.00 - 1-2 класы
28 снежня 14.00 - 3-4 класы
29 декабря 10.00 - 5-7 класы
29 декабря 18.00 - 8-11 класы
Адпаведна Рэкамендацыям упраўлення адукацыі Карэліцкага райвыканкама па арганізацыі і правядзенні санітарна-супрацьэпідэміялагічных мерапрыемстваў, накіраваных на мінімізацыю рызыкі распаўсюджвання інфекцыі COVID-19, пры арганізацыі і правядзенні навагодніх мерапрыемстваў, а таксама акцыі "Нашы дзеці" ва ўстанове адукацыі будуць выконвацца наступныя мерапрыемствы:
1. Забяспечыць "прапускны фільтр": не дапускаць да ўдзелу ва ўрачыстых мерапрыемствах дзяцей і работнікаў з сімптомамі рэспіраторнай інфекцыі (кашаль, насмарк, павышаная тэмпература цела, адсутнасць нюху і г.д.), а таксама асоб, якія адносяцца да кантактаў першага ўзроўню, з падцверджаным выпадкам інфекцыі COVID-19;
2. Выключыць удзел бацькоў і іншых старонніх асоб ва ўрачыстых мерапрыемствах; праводзіць мерапрыемствы ў рамках аднаго класа (групы);
3. Праводзіць вільготную ўборку памяшканняў (месцаў правядзення ўрачыстых мерапрыемстваў) з прымяненнем сродкаў дэзінфекцыі па рэжымах, эфектыўных у адносінах вірусаў, з акцэнтам на дэзінфекцыю паверхняў ручак, дзвярэй, поручняў, пярылаў і іншых паверхнасцяў;
3. Забяспечыць дэзінфекцыю і эфектыўнае праветрыванне памяшканняў у прамежкаў паміж праводзімымі мерапрыемствамі (устанавіць мінімальны інтэрвал паміж праводзімымі мерапрыемствамі 2 гадзіны);
4. Выкарыстоўваць работнікамі і вучнямі старэй 14 гадоў (дапускаецца выкарыстанне з 12 гадоў) сродкаў індывідуальнай аховы органаў дыхання (маскі);
5. Забяспечыць мыццё рук дзецьмі з прымяненне вадкага мыла або выкарыстанне папяровых сурвэтак перад пачаткам урачыстых мерапрыемстваў;
6. Правесці тлумачальную работу з дзецьмі аб неабходнасці выканання правілаў асабістай гігіены;
7. Прадугледзець запаўненне месца правядзення не больш чым на 50% ад максімальнай запаўняльнасці (рассадка ў шахматным парадку).
