Лагер "Сонечныя праменьчыкі". Дзень восьмы
Сёння выхаванцы лагера прынялі ўдзел у інфармацыйна-адукацыйным праекце "ШАГ", які прайшоў пад тэмай
"Дакажам справай, што нездарма на нас спадзяецца зямля"(Да сусветнага дня аховы навакольнага асяроддзя).
Дзень здароўя
Быць здаровым – гэта модна! Пад такім дэвізам прайшоў дзень здароўя у лагеры, які пачаўся з ранішняй зарадкі, як і ўсе астатнія.
Далей у атрадах прайшлі цікавыя і пазнавальныя мерапрыемствы, накіраваныя на прапаганду здаровага ладу жыцця: урок здароўя “Прыхільнасці, якія скарачаюць жыццё”, конкурс санбюлетнёў “У царстве гігіены”, вясёлыя старты “Лета на здароўе”.
У ходзе праведзеных мерапрыемстваў былі разгледжаны прычыны і наступствы наркатычнай і алкагольнай залежнасці. Кожнае заданне замацоўвалася пытаннямі, якія накіроўвалі дзяцей на разважанне пра шкоду тытуню, алкаголю і наркотыкаў. У канцы мерапрыемстваў выхаванцамі былі створаны вобразы паспяховых людзей, у жыцці якіх адсутнічае залежнасць.
У гэты дзень усе дзеці пакінулі лагер са станоўчымі эмоцыямі і добрым настроем! А самае галоўнае - паабяцалі весці здаровы лад жыцця!
